Milani të martën udhëton në Londër për ndeshjen e tretë në kuadër të grupit E në Ligën e Kampionëve.

“Rossonerët” në Stamford Bridge do të luajnë ndaj Chelseat, në kryendeshjen e këtij grupi.

Megjithatë, kampioni aktual i Italisë do të udhëtojë në Angli me shumë mungesa dhe trajneri Stefano Pioli do të ketë në dispozicion vetëm 15 lojtarë.

Pra, krahas 11-shes startuese, ai do t’i ketë vetëm 4 opsione në bankën rezervë.

Pioli për këtë sfidë nuk do të ketë me vete emra si Maignan, Calabria, Kjaer e Saelemakers, Messias, por edhe të lënduarit e mëparshëm si Theo Hernandez, Florenzi e Ibrahimovic, ndërsa sulmuesi belg Divock Origi është në pikëpyetje.

Rossonerët kanë marrë katër pikë në dy ndeshjet e para në kuadër të Grupit E në Ligën e Kampionëve.

Ndërkohë Chelsea ka vetëm një pikë dhe kërkon fitoren për të mbetur në garë për kualifikim.

Pjesë e këtij grupi janë edhe Dinamo Zagreb e Red Bull Salzburg./arbresh.info